Кусарские Новости
Суббота, 23.09.2017, 09:33
Приветствую Вас Гость | RSSГлавная | Регистрация | Вход
Меню сайта
Разделы новостей
Общество [216]
Культура [60]
Спорт [108]
Туризм [20]
Происшествия [166]
Политика [109]
ФОТО/ВИДЕО [15]
Главная » 2011 » Ноябрь » 29 » «Самур» чи ивидин дамар я
«Самур» чи ивидин дамар я
16:54
Са халкьдин, адан гъвечIи-чIехивилиз килиг тавуна, проблемаяр винел акъудун, абур халкьдин вилик ицекна чун веревирд ийиз мажбурун зарафат кIвалах туш.

И кIвалах са газетди вичин хивез къачуна. «Самур» газетдин сад лагьай редактор Ф.Беделова ва къенин чи къегьалар С.Керимовади ва М.Меликмамедова кьилди чпиз са менфятни авачиз анжах халкьдин патал гьар жуьре четинвилериз эхна 20 йис я и газет тахьана-тахьана гьатай са савкьат хьиз хвенва.

Абуруз баркалла! Рекъини вичин экни чимивал чаз гьавайи гузва лугьуз бес адан къадир чир жедашни? Албанрин девирда чIехи культура, кхьинар, ктабар авай лезгийрихъ 1300 йис я чикIай халкь са чIалал хкидин са газет, са журнал хьанач.

Советрин гьукумат чикIана – чаз Азербайжанда «Самур», «Алпан» газетар, гилани «Чирагъ» журнал арадал атана. Чи халкьдин рикIелай алатнавай культурадиз экв аватна. И экв гувай ксариз икрам тавуртIа, и экуьникай Рагъ тавуртIа чун гьихьтин лезгияр жен.

Лезгияр Кавказдин муькуь автохтон халкьар хьиз тарихдин дегьрин гатарагъ атана къенин йикъалди са чIехи халкь хьиз амазма. Чаз лап яргъал сур девирра гзаф шеэр – са шумуд агъзур йисарин гьукуматар, чIехи културадин дараматар, Европада сад лагьай кхьинар, гзаф гъуцарин тIварар ва гьабурукай махар хьанва. Гила чав абурукай са девлет гума, гьамани чи дидедин чIал я. Къенин лезги чIал веревирдай чIалан пешекарри ва сур девиррин тарихар кхьей алимри лезги чIал 5-6 агъзур йис идалай вилик хьанвайди усбатзава.

Эхь, чи чIалаз чIалан илимдин къанунрин цлара гьакь тийидай кьетIенвилер ава. Чи багъри «Самур» газетди чав гьа кьетIенвилериз фагьум гуз мажбурзава. Чун лезги чIалал рахазватIани и чIалан харувиликай, ийервиликай, бегьемвиликай чаз гзафбуруз хабар аваш.

«Самур» газетди гьа кIвалахни вичин хивез къачунва. Килига адан гьар нумрада акъатзавай «Гафалаг» рубрикадиз (чи Дагъустандин лезги чIалан алимривагъ «словарь» гафунин кIанукай сакIани хикечIиз жезвач). И гафар гьакIа газетдин чин ацIурун патал ваъ, чна кIелна чи чIал мадни уьткем авун патал я. Абурун гьар са гаф Къубадин, КцIарин, гьакIни Азербайжандин муькуь районрин лезги хуьрерагъ жавагьирар хьиз са-сад кIуватIнавайди я. Лезги чIалан чIехивал чирун патал гьар чи лезги хуьре са югъ амукьин бес я, ваз анжах гьа хуьруьн нугъатда авай цудралди гафар жигъида. Абур кхьена «Самур» газетдиз ракъурайтIа гьикьван суваб кIвалах жеда..

«Самур» газетдин рубрикайриз фикир це: «Самурдин мугьманар», «Чи хуьрер», «Чи алимар», «Машгьур лезгияр», «Лезги чIалакай», «Чаз чин тийидин кьегьал лезгияр», «Самурдин гафалаг», «Самурдин мектеб», «Самурдин хкетар», «Лезги жегьилар», «Дуьньядал лезгияр» ва мсб. Гьар са рубрикадикай чараз макъала кхьиз жеда. «Самурдин мектеб»! РикIин тIарвилелди лугьуз жеда хьи, и рубрика кьилди аялриз ваъ, гьакIни чуруяр кувай «аялриз» герек рубрика я. Чпи «Самур» газет кхьизватIани, ам кIел тийизвай (дуьз лагьайтIа «тежезвай») хзанарни чахъ ава. Абуру рикIелай алуд тавурай хьи, лезги чIалал кIелиз-кхьиз чирун са чIавузни геж туш. «Самур» газет кIел тахьун лезги чIалаз, а чIалал рахазвай чи дидерин михьи къаматдиз гьуьрмет тавун я.

Заз гзаф хуш къвезвай рубрикайрикагъ сад чи чIехи бубайрин къегьалвиликай, акьуллувиликай, алакьунрикай кхьенвай макъалаяр я. А бубайрин мисалар, абурун къамат рехъ дигиш хьанвай къенин бязи лезгийриз чпин кIвалахриз фагьум гудай, вичин къведин йисариз рикIин хицивилелди килигиз тадай са маяк я. И меселедик галаз алакъалу яз «Самур» газетда Шарвили эпосдикай чIукар, лезгийрин кьегьалвиликай тарихдин мисалар, чи жегьилрик руьгь кутадай куьруь кьисаяр фад-фад гайитIа хъсан жедий.

Чаз чизва: алай аямда чалай алакь тийизвай кIвалахарни ава. Анжах чна алакьзвай кIвалахринни бязибур ийизвач. «Самур» газетдин 2000 тираж вуч я хь, ам чавай тарашна куьтягь жезвач. «Самур» газет чи ивидин дамар я, ам чна садавни атIуз тагун!

Ярали Яралиев

Дербент ш., Дагъустан
Категория: Общество | Просмотров: 446 | Добавил: GusarNews | Рейтинг: 5.0/1 |
Всего комментариев: 3
3  
Очень обрадовало,что зайдя на сайт увидела статью на лезгинском языке.Раньше была возможность читать газету хотя бы на samurpress.com, а теперь и её нету

2  
А возможен ли заказ газеты Самур в Волгоград?И почему сайт газеты не работает кто нибудь знает?

1  
Сагърай, Ярали тха!

Добавлять комментарии могут только зарегистрированные пользователи.
[ Регистрация | Вход ]
Форма входа
Календарь новостей
«  Ноябрь 2011  »
ПнВтСрЧтПтСбВс
 123456
78910111213
14151617181920
21222324252627
282930
Поиск
Друзья сайта
Статистика

Онлайн всего: 1
Гостей: 1
Пользователей: 0
Copyright MyCorp © 2017 Хостинг от uCoz