|
|
 |
Главная » 2012 » Январь » 30 » Фаридади кукIушар рамда
Фаридади кукIушар рамда | 16:16 |
 2012-йисуз Лондонда Гатун Къугъунрин Олимпиада кьиле фида.
Вахт мукьвал хьунивай чи республикадин спортдин таъсиб чIугвазвайбурун къайгъуярни пара жезва. Спортсменри лицензия къачун патал халисан женг чIугвазва. Къедалди Олимпиададиз фин патал кьве касдин тIвар тайин хьанва. Абурукай сад таэквондочи Фарида Азизова я.
Алатай гатуз Бакуда кьиле фейи дуьньядин чемпионатда II чка кьур и руша пешекаррин дикъет желб авуна. Абуру Фаридадик чIехи умудар кутунва. 16 яшинда авай Фарида икьван гагьди гъвечIибурун акъажунра кьудра республикадин, садра Европадин чемпион хьанва. Гила жегьилрин спортда сифте камар вегьизвай адан викIегьвилел ва алакьунрал вири гьейран я. Фаридади чи республикадин тарихда сифте яз дишегьли таэквондочи хьиз Олимпиадада иштиракда. Адахъ галаз кьилди машгъул хьун патал Кореядай Бакудиз эвернавай тренердин регьбервилик кваз йиф-югъ талана акъажунриз гьазур жезвай лезги рушахъ са ният ава - Олимпиадада уфтан хьун.
Фаридадалди дамахзавай адан ватанэгьлияр - кцIарвияр и лезги руш чемпион жедайдан чIалахъ я. Вучиз лагьайтIа эхиримжи вахтара сад садан гуьгъуьнал алаз кьиле фейи кьуд уьлкведин ахъа чемпионатра - Кореядин, Россиядин, Украинадин ва Хорватиядин таэквондодай турнирра кьуд къизилдин медаль къазанмишнавай и руш адетдин спортсмен туширди виридаз хъсандиз чизва.
Фарида и дережайрив агакьарун патал яргъал йисара гьакъисагъвилелди зегьмет чIугур адан тренер, кцIарви Камран Къарибова лу- гьузвайвал, са гафни авачиз, руша гележегда спортдин вири кукIушар рам ийида.
/Самур/
|
|
Категория: Спорт |
Просмотров: 833 |
Добавил: GusarNews
| Рейтинг: 4.5/2 |
|
Добавлять комментарии могут только зарегистрированные пользователи. [ Регистрация | Вход ] |
|
| Статистика |
Онлайн всего: 1 Гостей: 1 Пользователей: 0 |
|
Приветствую Вас Гость | RSS
